Bugun Humoyun o'zidan 368 pog'ona yuqoridagi raqibga qarshi kortga chiqadi

Sovrin jamg'armasi 125 000 AQSH dollarini tashkil qiluvchi ushbu musobaqada istedodli tennischimiz Humoyun Sultonov ham ishtirok etyapti. Bugun hamyurtimiz 1/8 final uchrashuvida avstriyalik Sebastyan Offnerga qarshi kortga chiqadi. 

Sultonov ilk davrada yana bir hamyurtimiz Farrux Do'stovni 6:4, 6:2 hisobida mag'lub etgandi. Turnirning uchinchi raketkasi bo'lgan Offner esa qozog'istonlik Temur Xabibulindan 7:5, 6:1 hisobida ustun kelgandi. Humoyun saralash turnirida ikkita g'alabaga erishib, asosiy to'rga yo'llanma olgan edi. 

Taqqoslash uchun, Humoyun Sultonov dunyo reytingida 575, Sebastyan Offner esa 207-o'rinni egallab turibdi. Tennischilar shu kungacha o'zaro to'qnash kelishmagan. Sultonov - Offner bahsi bizning vaqt bilan soat 11:30da boshlanishi belgilab qo'yilgan.