09 iyu 15:19
Yangiliklar

Tennis

Bugun Istomin AQSH turniridagi ishtirokini boshlaydi

AQSHning Uinnetka shahrida tennis bo'yicha "CHellenjer" turkumiga kiruvchi turnirning asosiy to'r bahslari davom etmoqda.

Sovrin jamg'armasi 80 000 AQSH dollarini tashkil qiluvchi musobaqada mamlakatimizning birinchi raketkasi Denis Istomin ham ishtirok etadi. Hamyurtimiz turnirda to'rtinchi raqam ostida saralandi va o'z ishtirokini to'g'ridan-to'g'ri ikkinchi davradan boshlaydi.

Bugun Denis ikkinchi bosqich uchrashuvida tunislik Aziz Dougazga qarshi kortga chiqadi. Bu tennischi kecha ilk davrada reytingda o'zidan 220 pog'ona yuqorida turgan amerikalik Aleksander Sarkissyanni 6:2, 6:2 hisobida mag'lub etdi. Istomin ATP reytingida 115, Dougaz esa 576-o'rinni egallab turibdi. Istomin - Dougaz bahsi Toshkent vaqti bilan soat 21:30da boshlanadi.