20 may 09:54
Yangiliklar

Tennis

Bugun Istomin Rolan Garros saralashida kortga chiqadi

Bugun Franciyaning Parij shahrida “Katta Dubulg'a” turkumiga kiruvchi Rolan Garros turnirining saralash bahslari start oladi.

O'tgan yil bilan taqqoslaganda, reytingda sezilarli tarzda pastlagan hamyurtimiz Denis Istomin bu safar ushbu turnirdagi ishtirokini saralash bahslaridan boshlaydi.

Qura natijasiga ko'ra mamlakatimizning birinchi raketkasi ilk davrada germaniyalik Dastin Braunga qarshi kortga chiqadi. Ushbu uchrashuv Toshkent vaqti bilan soat 14:30da boshlanishi belgilangan.

Taqqoslash uchun, Denis Istomin ayni paytda ATP reytingida 99, Braun esa 175-o'rinni egallab turibdi. Tennischilar shu kungacha o'zaro ikki bor (2010 va 2017 yillarda) to'qnash kelishgan va ikkala bahsda ham Denis g'alaba nashidasini surgan.