Mett Braun: "UFC Maxachevga zarba bermoqchi"

SHuningdek, amerikalik Karlos Prates va Mayk Morales nega vaqtinchalik titul uchun jang qilishidan hayron qolmoqda, chunki rossiyalik o'z chempionlik kamarini ikki oy oldin himoya qilgan-ku!

"Uning erishgan yutuqlarini hisobga olgan holda, men u bunga haqli deb o'ylayman. Qachonki siz bunday darajaga etsangiz, janglarni tanlashda yanada ehtiyotkor bo'la boshlaysiz va bu mutlaqo normal holat. Men Islamni kim bilan va qachon jang qilishini ehtiyotkorlik bilan tanlagani uchun tanqid qilmayman, shunga qaramay, u shunday qilganidan hayron qoldim. Men u shunchaki jangga rozi bo'lib, oktagonga chiqadi deb o'ylagandim, ammo vaqtinchalik titul?! U atigi ikki oy oldin jang qilgandi! Ikki oy! Bizga bu umuman kerak emas. Bu vaqtinchalik kamar hech narsani anglatmaydi.

Morales va Prates jangi ajoyib to'qnashuv, ammo shu yo'l bilan siz davogarlardan birini poygadan chiqarasiz. Men Islamning ikkalasi bilan ham jang qilishini ko'rishni afzal ko'rardim. Balki Islamning o'zi ham buni xohlamas. Ammo men u bunday qarorlar qabul qilishga haqli deb o'ylayman va agar u xohlasa, "Yaxshi. Sen kim bilandir jang qilishing kerak. Kim bilan uchrashmoqchisan?" deyish kerak. Butun vaziyatda menga yoqmagan yagona narsa bu o'sha lanati vaqtinchalik titul.

Men ming marta aytganman, yagona qoidalarni ko'rishni xohlardim. UFC standartni o'rnatishi kerak: agar chempion malum muddat ichida titulni himoya qilmasa, biz vaqtinchalik kamarni kiritamiz. Boksda bu doimo sodir bo'ladi. Bir jangchi malum raqib bilan uchrashishi kerak, boshqasi boshqasi bilan jang qilmoqchi. Bu yakkakurashda oddiy hol", – dedi Braun o'z podkastining navbatdagi sonida.

UFC o'z turnirlarining ahamiyatini oshirish uchun vaqtinchalik titullarni ko'pincha kiritadi, ammo Braun bu holatda tashkilotning qarori Maxachevni jazolash istagi bilan izohlangan deb gumon qiladi.

"Balki UFC shunchaki Islamga zarba bermoqchidir? Menda shunday taassurot uyg'onmoqda. O'ylaymanki, shuning uchun biz bu aniq vaziyatni yoqtirmaymiz. Biz vaqtinchalik titullarni yoqtirmasligimizni qancha xohlasak shuncha gapirishimiz mumkin, ammo bu erda hammasi juda g'alati, chunki chempion shunchaki: "Men hozircha bu yigit bilan jang qilmoqchi emasman", deydi".

Eslatib o'tamiz, Karlos Pratesa va Maykl Morales o'rtasidagi vaqtinchalik chempionlik kamari uchun jang 30 yanvar kuni Kanadaning Toronto shahrida tashkil etiladigan UFC 336 turniri doirasida bo'lib o'tadi.