Bugun italiyalik tennis malikasi tavallud topgan kun

Francheska Skyavone - 1980 yil 23 iyunda Italiyaning Milan shahrida tug'ilgan. Tennis malikasining ota-onasi shifokor bo'lishgan. Skyavone 1998 yildan boshlab professional tennis bilan shug'ullanib keladi. 

Faoliyati davomida 8 ta WTA turnirida zafar quchgan. Musobaqalardan jami 11 million 324 ming 245 AQSH dollari miqdoridagi pul mukofotiga ega bo'lgan. 

Francheska 2010 yilda "Rolan Garros", yani Franciya Ochiq chempionati bosh sovrinini ham qo'lga kiritishga muvaffaqat bo'lgan. WTA reytingidagi eng yaxshi natijasi 2011 yil yanvar oyiga to'g'ri keladi. O'shanda u reytingning to'rtinchi pog'onasini qayd etilgan. 

SHuningdek, Skyavone Italiya terma jamoasi safida ham muntazam faoliyat olib borgan. 2004 yilda Italiya terma jamoasi sharafini Afina Olimpiadasida munosib himoya qilib, chorak finalga qadar etib borgan. Bundan tashqari terma jamoasi bilan 2006, 2009 va 2010 yillarda Federaciya Kubogi (Fed Cup)da g'olib bo'lgan.

Francheska Skyavone tennisdan bo'sh vaqtlarida do'stlari bilan restoranlarga borishni, musiqa tinglashni yoqtiradi.