Bugun Javohir Sindarov Tepe Sigeman 2025 chempioni bo'lishi mumkin + FOTO

Aylana tizimda o'tkazilayotgan ushbu nufuzli musobaqada hamyurtimiz Javohir Sindarov ham muvaffaqiyatli tarzda ishtirok etyapti. Mamlakatimizning ikkinchi raqamli shaxmatchisidan tashqari yana etti nafar grossmeyster sovrinli o'rinlar uchun kurash olib bormoqda.  

Kecha turnirda 6-tur uchrashuvlari o'tkazildi. Sindarov oq donalarda shveciyalik grossmeyster Nils Grandelius bilan durang o'ynadi. SHunga qaramay, shaxmatchimiz 4 ochko bilan turnir jadvalida yakka peshqadam bo'lib turibdi. Turkiyalik Yagiz Erdogmus 3,5 ochko bilan ikkinchi pog'onadan joy olgan. To'rt nafar ishtirokchi hisobida 3 tadan ochko bor. 

6-tur natijalari:

Javohir Sindarov (O'zbekiston) – Nils Grandelius (SHveciya) 1/2-1/2

Tan CHjuni (Xitoy) – Ervin L`Ami (Niderlandiya) 1/2-1/2

Yagiz Erdogmus (Turkiya) – Rey Robson (AQSH) 1/2-1/2

Richard Rapport (Vengriya) – Vasiliy Ivanchuk (Ukraina) 1-0 

Bugun so'nggi turda Javohir Sindarov ukrainalik shaxmat afsonasi Vasiliy Ivanchukka qarshi qora donalarda o'ynaydi. Ushbu bahs turnirda kim chempion bo'lishini aniqlab beradi. Agar Javohir g'alaba qozonsa, boshqa uchrashuvlar natijasidan qati nazar, chempion bo'ladi. Durang natija ham unga tay-brek orqali chempionlik uchun kurashni davom ettirish imkoniyatini beradi.

7-tur juftliklari:

Vasiliy Ivanchuk (Ukraina) – Javohir Sindarov (O'zbekiston) 

Rey Robson (AQSH) – Richard Rapport (Vengriya)

Ervin L`Ami (Niderlandiya) – Yagiz Erdogmus (Turkiya) 

Nils Grandelius (SHveciya) – Tan CHjuni (Xitoy) 

Bugungi o'yinlar bizning vaqt bilan soat 15:00'da boshlanadi.