30 avg 10:27
Yangiliklar

Tennis

Bugun Jo'rabek Serbiyadagi ishtirokini boshlaydi

Serbiyaning Zlatibor shahrida tennis bo'yicha sovrin jamg'armasi 15 000 AQSH dollaridan iborat bo'lgan turnirning asosiy to'r bahslari davom etmoqda.

Ushbu “Fyuchers” turkumiga kiruvchi musobaqada birgina hamyurtimiz Jo'rabek Karimov o'z imkoniyatini sinovdan o'tkazadi. Bugun istedodli tennischimiz ilk davrada shveycariyalik Maksimilyan Gatevga qarshi kortga chiqadi.

Eslatib o'tamiz, Jo'rabek Karimov Avstraliya Ochiq chempionatining o'smirlar musobaqasida vice-chempion bo'lgan yagona hamyurtimiz hisoblanadi. Jo'rabek Zlatibordagi turnirning juftliklar bahsida ham ishtirok etadi.