Bugun Saidalo Dohada asosiy to'r chiptasi uchun kortga chiqadi

“Fyuchers” turkumiga kiruvchi ushbu musobaqaning saralash bahslarida ikki tennischimiz ham o'z imkoniyatini sinovdan o'tkazayotgan edi. Ulardan biri Saidalo Saidkarimov bugun asosiy to'rga yo'llanma beruvchi uchrashuvda kortga chiqadi.

Saidkarimov saralashdagi ishtirokini ikkinchi bosqichdan boshladi. U bu davrada shveycariyalik Brayan Benchichni 3:6, 6:3, 7:6(4) hisobida mag'lub etdi. Bugun tennischimiz asosiy to'rga yo'llanma beruvchi bahsda shveycariyalik Endryu Ruppliga qarshi kortga chiqadi. 

Yana bir hamyurtimiz Sardor Po'latov esa saralashning ilk davrasidayoq shveycariyalik Sebastyan Mentaga 6:7(3), 6:7(2) hisobida imkoniyatni boy berib qo'ydi. Ikkala set ham tay-brekka qadar davom etdi.