Bugun SHackix jamoasi "Zenit" bilan o'ynaydi + PREVYU

7 avgust kuni mamlakat Superkubogida o'zaro to'qnash kelgan klublar dastlabki turni eng oxirgi bo'lib tugatishadi.

Rossiyaning amaldagi chempioni Piterning "Zenit" klubi 16 yildan so'ng premer-ligaga qaytgan Volgogradning "Rotor" klubi bilan to'qnash keladi. Ayni paytda "Rotor"da Aleksandr Xackevich bosh murabbiy sifatida ishlamoqda. Unga o'zbekistonlik Maksim SHackix yordam bermoqda.

Bugungi uchrashuvda "Zenit" yaqqol favorit ekanini barcha yaxshi tushunib turibdi. Rossiya birinchi ligasi pandemiya tufayli 15 mart kuni to'xtatilgan va mavsum 27-turda tugatilgandi. "Rotor" 4 oydan ko'proq muddat davomida rasmiy o'yinlarda ishtirok etgani yo'q. "Zenit" esa Rossiya chempioni bo'ldi, mamlakat kubogi va Superkubogini qo'lga kiritdi.

"Rotor" o'z vaqtida "Spartak"da o'ynagan Jano Ananidzeni o'z safiga qo'shib oldi. Ko'pchilik aynan Ananidzening o'yinlarini kutmoqda. O'zbekistonlik Vitaliy Denisov esa "Rotor"ni tark etdi.

"Zenit"ning eng mashhur transferi esa "Liverpul"dan Deyan Lovrenning olib kelgani bo'ldi. Jamoani Branislav Ivanovich, Igor Smolnikov, Oleg SHatov, Emanuel Mammana va Yordan Osorio tark etdi.

Ushbu jamoalar hozirga qadar 48 marta o'zaro o'yin o'tkazishgan. Ustunlik "Rotor" tomonida: 19 ta g'alaba, 11 ta durang va 18 ta mag'lubiyat.

"Rotor" - "Zenit"
11 avgust. Volgograd. "Volgograd Arena" stadioni. 20:00.
Bosh hakam - Aleksey Matyunin (Moskva).
Translyaciya - "Match-TV, Match-Premer".

TAXMINIY TARKIBLAR:
"Rotor": 4-5-1: Nesterenko, Piskunov, Ionov, Bayryev, Stepanov, Sultonov, Makarov, Aleynik, Serchenkov, Kipiani, Mullin.
"Zenit": 4-4-2: Kerjakov, Karavaev, Lovren, Rakickiy, Duglas Santos, Malkom, Barrios, Ozdoev, Sutormin, Dzyuba, Azmun.
Yo'qotishlar: yo'q - Andrey Lunev (jarohat).