Bugun “Spark” avtomobili uchun onlayn musobaqa start oladi

Tashkilotchi – O'zbekiston Respublikasi Jismoniy tarbiya va sport vazirligi.

Onlayn shaxmat musobaqasida qatnashish uchun CHESS.COM saytida «O'zbekiston Respublikasi Jismoniy tarbiya va sport vazirligi» https://www.chess.com/club/uzbekiston-respublikasi... klubiga azo bo'ling, saralash o'yinlarida g'olib chiqing hamda 2020 yil 20 dekabr kuni Toshkent shahrida o'tkaziladigan Grand Final ishtirokchisiga aylaning.

Bosh sovrin – hamkorlar tomonidan taqdim etilgan “Spark” avtomobili. Bizni ijtimoiy tarmoqlar orqali kuzatib boring!

Saralash o'yinlariga 2020 yilning 20 iyulidan start beriladi. O'yinlar har kuni soat 20:00da boshlanadi. Musobaqa shveycarcha tizimda blic yo'nalishida o'tkaziladi. Grand Finalga har bir turnirdan eng yaxshi 10 nafar ishtirokchi saralab olinadi. 20 dekabrga qadar jami 50ta saralash turniri o'tkaziladi va eng kuchli 500 nafar ishtirokchi tanlab olinadi.

Grand Finalda ishtirok etish uchun saralab olingan shaxmat ishqibozlari boshqa turnirlarda ishtirok etolmaydi. Turnirda faqat O'zbekiston Respublikasi fuqarolari qatnashishlari mumkin.

Imkoniyatni qo'ldan boy bermang va “Spark” avtomobilini qo'lga kiriting!