22 mar 15:34
Yangiliklar

Boshqalar

Bugun "Sport klub" ko'rsatuvining birinchi soni jonli efirda namoyish etiladi

Teglar : MTRK Sport klub

Bundan bir necha kun oldin O'zbekiston Milliy olimpiya qo'mitasi hamda Jismoniy tarbiya va sport vazirligi O'zbekiston Milliy teleradiokompaniyasi bilan hamkorlikni yangi bosqichga ko'tarish borasida kelishuvga erishgani haqida xabar qilgandik.

Uchrashuvda Milliy olimpiya qo'mitasi Prezidenti Umid Ahmadjonov, Jismoniy tarbiya va sport vaziri SHoakram Isroilov va O'zMTRK raisi Alisher Xodjaevlar "Sport" telekanali orqali yangi onlayn dastur tashkil qilish masalasini ham muhokama qilgandilar.

Ana shu kelishuv samarasi o'laroq, bugun "Sport" telekanalida maxsus "Sport klub" dasturining birinchi soni efirga uzatiladi. Unda Milliy olimpiya qo'mitasi hamda Jismoniy tarbiya va sport vazirligi mutasaddilari, yurtimizdagi etakchi sport federaciyalar rahbarlari, o'zbek sportining yorqin yulduzlari jonli efirda muxlislar savollariga javob qaytaradilar.

Respublikamiz Prezidentining u yoki bu sohaga masul bo'lgan rahbarlar xalq oldida hisob berishi lozimligi, fuqarolarimiz bilan muloqot qilishi va ularning savollariga aniq-tiniq javob qaytarishi yuzasidan bergan ko'rsatmalariga asosan, bugundan etiboran sport sohasi uchun ham alohida onlayn dastur tashkil etilmoqda.

Bugun soat 19:00da "Sport" telekanalida boshlanadigan ko'rsatuvda muxlislar jonli efirda o'zlarini qiziqtirgan savollarga javob olishlari mumkin bo'ladi.