Bugun Sultonov eski tanish raqibga qarshi "CHennay Ekspress"dagi yurishini boshlaydi

Mukofot jamg'armasi 160 000 AQSH dollarini tashkil qiluvchi ushbu musobaqada hamyurtimiz Humoyun Sultonov ham o'z omadini sinab ko'radi. Mamlakatimizning birinchi raketkasi 1/16 finalda chexiyalik Dalibor Svrchinaga qarshi kortga chiqadi. Uchrashuv bizning vaqt bilan soat 14:00da boshlanadi.  

Taqqoslash uchun, Dalibor ATP reytingida 223, Humoyun esa 235-o'rinni egallab turibdi. Bu ikki tennischi o'zaro ikki marotaba to'qnash kelishgan va afsuski, har ikki uchrashuvda Svrchinaning qo'li baland kelgan. Ularning so'nggi uchrashuvi yaqinda Avstraliya Ochiq chempionatining saralash bosqichi doirasida o'tkazilib, unda Dalibor 6/3, 1/6, 6/3 hisobida g'alaba qozongandi.   

*Malumot yangilandi: Humoyun Sultonov jarohati sababli musobaqada ishtirok eta olmaydi.