Bugun Tata Steel Chess boshlanadi. Sindarov amaldagi jahon chempioniga, Abdusattorov 14 yoshli grossmeysterga qarshi dona suradi

Turnirning kuchlilar jam bo'lgan "Masters" guruhida dunyoning etakchi 14 nafar grossmeysteri, ular qatorida hamyurtlarimiz Nodirbek Abdusattorov va Javohir Sindarov ham bosh sovrin uchun bahslarga kirishadi. 

Bugun o'tkaziladigan 1-turdayoq amaldagi Jahon kubogi sohibi Javohir Sindarov amaldagi jahon chempioni hindistonlik Gukesh Dommaradjuga qarshi oq donalarda o'ynaydi. Nodirbek Abdusattorov esa qora donalarda dunyoning eng yosh to'rtinchi grossmeysteri, turkiyalik 14 yoshli Yagiz Kaan Erdogmushga qarshi qora donalarda harakat qiladi. 

O'ziga xos o'zbek derbisi musobaqaning 9-turiga to'g'ri kelmoqda. Javohir unda oq donalarda Nodirbekka qarshi bahs olib boradi. Tata Steel Chess turnirining amaldagi chempioni hindistonlik Rameshbabu Praggnanandha hisoblanadi. Pragg singari 8,5 ochko jamg'argan Gukesh kumush, Nodirbek Abdusattorov 8 ochko bilan bronza medalini qo'lga kiritgan edi. Sindarov o'tgan yilgi musobaqada ishtirok etmagandi.     

Tata Steel Chess 2026. 1-tur juftliklari:

Aravindx CHitambaram (Hindiston) — Mattias Blyubaum (Germaniya)

Xans Niemann (AQSH) — Vladimir Fedoseev (Sloveniya)

Vinsent Keymer (Germaniya) — Anish Giri (Niderlandiya)

Javohir Sindarov (O'zbekiston) — Gukesh Dommaraju (Hindiston)

Yorden van Forest (Niderlandiya) — Tay Dai Van Nguen (CHexiya)

Arjun Erigaisi (Hindiston) — Rameshbabu Pragnanandxa (Hindiston)

Yagiz Kaan Erdogmush (Turkiya) — Nodirbek Abdusattorov (O'zbekiston)