Bugun uch bokschimiz Osiyo chempionatidagi ishtirokini boshlaydi

Qitamizning 21 davlatidan jami 210 nafar bokschi ishtirok etayotgan musobaqaning ikkinchi kuni uch nafar charm qo'lqop ustamiz ilk jangini o'tkazadi. Ikki jangda Markaziy Osiyo derbisiga guvoh bo'lamiz.

Dilshod Abdumurodov (-60 kg) Osiyo chempionatidagi yurishini qozog'istonlik Bibars Jexenga, Parij-2024 Olimpiadasi ishtirokchisi To'rabek Habibullaev tojikistonlik Abdumalik Boltaevga qarshi jang bilan boshlaydi. Mirazizbek Mirzaxalilov (-57 kg) ilk davada xitoylik Dicheng Li bilan to'qnash keladi. Aynan u bizning vaqt bilan soat 12:45`da bokschimizlarning bugungi ishtirokini boshlab beradi.    

Bugun ringga chiqadigan bokschilarimiz:

-57 kg: Mirazizbek Mirzaxalilov - Dicheng Li (Xitoy) soat 12:45

-60 kg: Dilshod Abdumurodov - Beybaris Jeksen (Qozog'iston) soat 13:45

-80 kg: To'rabek Xabibullaev - Abdumalik Boltaev (Tojikiston) soat 14:15