Bunaqasi bo'lmagan! O'zbekistonlik avtopoygachi xalqaro musobaqada sovrindor bo'ldi

Yaqinda Rossiya Federaciyasining Sankt-Peterburgda shahrida bo'lib o'tgan xalqaro turnirda o'zbekistonlik poygachi Anvar Ergashev ham ishtirok etdi va aytish kerak, hamyurtimiz unda munosib qatnashdi.

15 daraja sovuqda o'tkazilgan va uch kun davom etgan poyga yakunlariga ko'ra Anvar Ergashev sherigi Andrey Rudnickiy bilan birgalikda «T3» toifasida faxrli 3-o'rinni egalladi. Bu o'zbekistonlik sportchining Xalqaro avtomobil federaciyasi (FIA) shafeligida ralli-reyd yo'nalishi bo'yicha o'tkazilgan jahon kubogi doirasidagi musobaqalarda erishgan dastlabki yutug'idir.

2019 yilning dekabrida mamlakatimiz avtomobil sporti tarixida olamshumul voqea sodir bo'ldi. SHu yili 6 dekabrda Franciyaning Parij shahrida bo'lib o'tgan Xalqaro avtomobil federaciyasi Bosh assambleyasida mamlakatimiz “O'zbekiston milliy avtomobil klubi” nodavlat notijorat jamoat birlashmasi timsolida FIA azoligiga qabul qilindi. Bu esa xalqaro licenziyaga ega o'zbekistonlik sportchilarga FIA shafeligi ostida o'tadigan rasmiy musobaqalarda ishtirok etish imkonini taqdim etdi.

Malumot uchun: Xalqaro avtomobil federaciyasiga dunyodagi 146 mamlakatdan 245ta sport klublari, associaciya, motorli sport federaciyalari azo sanalishadi. Endilikda FIA oilasi tarkibida 80 million kishi o'zaro muloqot qilish va fikr almashish imkoniyatiga ega bo'ldi. “O'zbekiston milliy avtomobil klubi” nodavlat notijorat jamoat birlashmasining bosh maqsadi – yurtimizda avtomobil sportini ichki va xalqaro miqyosda rivojlantirish, keng ommalashtirish va faol targ'ib qilish, shuningdek xalqaro yo'l harakati xavfsizligini taminlashdan iborat.