14 iyu 09:12
Yangiliklar

Futbol

"Bunyodkor" - "Nasaf" uchrashuvi "Milliy"da bo'lmaydi

16 iyun kuni O'zbekiston Superligasining 11-turida "Bunyodkor" klubi o'z maydonida "Nasaf"ni qabul qiladi.

Oldinroq ushbu o'yinning "Milliy" stadionida bo'lib o'tishi elon qilingan edi. O'zbekiston - Suriya uchrashuvi vaqtida stadion anonseri bu haqda baralla elon qilgandi. Biroq kutilmaganda bahs TTYMI stadioniga ko'chirildi.

Maydon chimi almashtirilgani bois "Bunyodkor" klubi 2019 yilgi mavsum boshidan buyon o'z uy o'yinlarni boshqa stadionlarda o'tkazib kelmoqda. Iyun oyida O'zbekiston terma jamoasi "Milliy" stadionida ikkita o'rtoqlik uchrashuvi o'tkazdi. Har ikkala bahs davomida maydon chimi ko'chib ketish holatlari juda ko'p uchradi.