Bunyodkordan ajoyib g'oya: klub ishtirokidagi uchrashuvlarning fotomuxlisiga aylaning!

Aynan shu kuni «Bunyodkor» o'z maydonida «Qo'qon-1912» jamoasini qabul qiladi. Malumki, koronavirus pandemiyasi sababli Superliganing barcha o'yinlari tomoshabinlarsiz o'tkaziladi. Ammo siz mazkur bellashuvning stadiondagi muxlisiga aylanishingiz mumkin. Muxlislar uchun o'ynaydigan «Bunyodkor» ajoyib ishga qo'l urdi. 

Endi siz «Bunyodkor» - «Qo'qon-1912» uchrashuvining fotomuxlisiga aylanish imkoniyatiga egasiz. Garchi stadionga tashrif buyura olmasangizda, o'z suratingiz bilan futbolchilarimizni qo'llab-quvvatlash va ularga ruhan dalda bo'lish imkoniyatiga egasiz. Buning uchun sifatli fotosuratingizni tegishli elektron pochtaga jo'nating. Biz ushbu suratni chop etamiz va «Bunyodkor» stadionining jamoamiz muxlislari uchun atalgan sektoriga joylashtirib chiqamiz. SHu tariqa futbolchilarimizni nafaqat oynai jahon orqali, balki tribunada ham qo'llab turasiz. Aytish kerakki, «Bunyodkor» buni karantin vaqtida ananaga aylantiradi va jo'natgan suratlaringiz orqali doimiy ravishda «qaldirg'ochlar»ning fotomuxlisiga aylanasiz!

Fotosuratlar 10 iyunga qadar qabul qilinadi.
Suratlarni bunyodkorfanclub@gmail.com elektron pochtasiga jo'natishingiz mumkin.