16 iyu 18:35
Yangiliklar

SHaxmat

Butunjahon shaxmat Olimpiadasi boshlanishiga oz qolmoqda: musobaqa haqida nimalar bilamiz?

SHu yilning 28 iyul - 10 avgust kunlari Hindistonning CHennay shahri Butunjahon shaxmat Olimpiadasiga mezbonlik qiladi.

Bir necha sabablar tufayli uzoq tanaffusdan so'ng o'tkazilayotgan ushbu nufuzli musobaqada jahonning 100 dan ortiq mamlakatidan grossmeysterlar medallar uchun kurash olib boradilar.

Tanaffusdan keyin o'tkazilayotgan Olimpiada

Hisob bo'yicha 44-Olimpiada hisoblanadigan ushbu bahslar 2020 yilning avgustida Rossiyaning Xanti-Mansiysk shahrida o'tkazilishi lozim edi. Biroq, koronavirus pandemiyasi sabab Olimpiada boshqa muddatga qoldirilgandi. SHu yil fevral oyida Rossiya Federaciyasining Ukrainaga bosqini sabab FIDE 44-SHaxmat Olimpiadasi Rossiyadan olib qo'yilishini malum qildi. SHu yil 15 mart kuni esa Olimpiada mezboni sifatida Hindistonning CHennay shahri elon qilindi.

Bahslar 11 ta turdan iborat shveycarcha tizimda tashkil etiladi.

Bellashuvlarga 29 iyul kuni start beriladi. 9 avgust kuni esa so'nggi 11-kun bahslari o'tkaziladi. Umumiy hisobda eng ko'p ochko to'plagan terma jamoalar mos ravishda oltin, kumush va bronza medallarini qo'lga kiritishadi.

O'zbekistonning shaxmat Olimpiadalaridagi ishtiroki haqida qisqacha

O'zbekistonlik shaxmatchilar bungacha 1992 yilda Filippinning Manila shahri mezbonlik qilgan 30-Butunjahon shaxmat Olimpiadasida erkaklar o'rtasida ikkinchi o'rinni qo'lga kiritishgan. O'shanda terma jamoamiz sharafini Valeriy Loginov, Grigoriy Serper, Aleksandr Nenashev, Sergey Zagrebelniy, Mixail Saltaev va Saidali Yo'ldoshev himoya qilgan.

So'nggi marotaba 2018 yilda o'tkazilgan Batumi Olimpiadasida esa erkaklar o'rtasida 16, ayollar o'rtasida esa 17-o'rinni qo'lga kiritganmiz.

2018 yili Turkiyaning Konya shahrida 16 yoshgacha bo'lgan shaxmatchilar o'rtasidagi musobaqada hamyurtlarimiz chempionlikni qo'lga kiritishgandi. O'sha avlodning asosiy vakillari yaqinlashib kelayotgan Olimpiadada O'zbekiston sharafini himoya qilishadi. Demak, chempionlik ruxiyati haqida gap-so'z bo'lishi mumkin emas.

Terma jamoamiz tarkibi hali O'zbekiston shaxmat federaciyasi tomonidan rasman elon qilingani yo'q. Yaqin orada terma jamoa tarkibi malum qilinishi kutilmoqda.

O'zbekiston 2026 yilgi shaxmat Olimpiadasi mezbonligi uchun kurashadi

Ushbu Olimpiada doirasida FIDE Kongressi ham tashkil etiladi. Kongress doirasida 2026 yilgi shaxmat Olimpiadasi mezboni ham elon qilinai. Avvalroq ushbu musobaqa mezbonligi uchun O'zbekiston ham davogarlik qilishi haqida Olamsport.com saytida malum qilgandik.

Malumot uchun, 45-Olimpiadaga Vengriya poytaxti Budapesht shahri mezbonlik qilishi aniq bo'lib ulgurgan. Ajab emaski, 46-Olimpiada O'zbekistonga nasib etsa.

SHaxmat Olimpiadalarida qaysi mamlakatlar etakchi?

Har ikki yilda bir marotaba o'tkaziladigan Butunjahon shaxmat Olimpiadasi statistikasiga nazar tashlaydigan bo'lsak, erkaklar o'rtasidagi bahslarda SSSR terma jamoasi 18 ta oltin medal (1 ta kumush) bilan yaqqol ustun bo'lib turibdi. Ikkinchi o'rindan AQSH terma jamoasi 6 ta oltin (6 ta kumush va 8 ta bronza) bilan joy olgan. Rossiya ham AQSH kabi 6 ta oltin medalga ega (3 ta kumush, 3 ta bronza). Faqat kumushlar hisobiga ko'ra ular okeanorti vakillaridan ortda qolishadi.

Ayollar o'rtasidagi bahslarda ham SSSR 11 ta oltin medal qo'lga kiritib, birinchi o'rinda qayd etilgan. 6 ta oltinga ega chiqqan Xitoy ikkinchi pog'onani band etgan bo'lsa, kuchli uchlikka Gruziya yakun yasagan.