Butunjahon shaxmat Olimpiadasida g'olib bo'lgan o'smirlarimiz Toshkentga qaytib kelishdi

Bugun ana shu nufuzli musobaqa g'oliblari yurtimizga qaytib keldilar. Ular Islom Karimov nomidagi Toshkent xalqaro aeroportida tantanali ravishda kutib olindi. Kutib olish marosimida O'zbekiston Milliy olimpiya qo'mitasi, Jismoniy tarbiya va sport vazirligi, O'zbekiston shaxmat federaciyasi mutasaddilari, sportchilarning yaqinlari va ommaviy axborot vositalari xodimlari ishtirok etdilar.

Eslatib o'tamiz, Hamyurtlarimiz to'qqizta tur yakuniga ko'ra eng ko'p ochko jamg'arib, oltin medalga ega chiqdilar. Musobaqa davomida Rossiya, Xitoy, Hindiston, Eron, Ukraina, Vengriya, Polsha, Moldova, Xitoy terma jamoalari mag'lub etildi. SHaxmat Olimpiadasida yurtimiz sharafini Nodirbek Yoqubboev, Nodirbek Abdusattorov, Javohir Sindarov, SHamsiddin Vohidov va Sitora Saparova himoya qildi. Ular bahslarda murabbiy Saydali Yo'ldoshev boshchiligida dona surishdi.