Buxoroda “Fyuchers” turniri davom etmoqda

Sovrin jamg'armasi 25 000 AQSH dollarini tashkil qiluvchi musobaqaning asosiy to'ridan 7 nafar tennischimiz o'z ishtirokini boshlagandi. Ulardan faqatgina ikki nafari ikkinchi davraga yo'l oldi. 

Asosiy to'rga imtiyozli yo'llanma asosida qo'yilgan Humoyun Sultonov rossiyalik Artur SHaxnubaryanni 6:1, 7:6(5) hisobida mag'lub etdi. Beshinchi raqam ostida tasniflangan Sanjar Fayziev esa yana bir vakilimiz Botir Sapaevdan 6:3, 6:0 hisobida ustun keldi. 

Jo'rabek Karimov, Ahad Ermatov, Pavel Coy va Saidalo Saidkarimov ilk davradayoq raqiblariga imkoniyatni boy berib, yakkalik bahslaridagi ishtiroklarini yakunlashdi.