Buyuk Britaniyada muvaffaqiyatga erishgan shaxmatchimiz tantanali kutib olindi

Nufuzli musobaqa doirasida Ochiq chempionat ham tashkil qilindi va unda hamyurtimiz Sirojiddin Zayniddinov 30 nafar shaxmatchi ichida faxrli birinchi o'rinni qo'lga kiritdi.
Bugun erta tongda yurtdoshimiz Frankfurt orqali poytaxtimizga etib keldi. Uni Islom Karimov nomidagi Toshkent xalqaro aeroportida Milliy Olimpiya qo'mitasi mutasaddilari, shaxmatchimizning yaqinlari, bir qator ko'ngillilar va OAV xodimlari tantanali tarzda kutib olishdi.

Malumot uchun, Sirojiddin bungacha o'smirlar o'rtasida ikki karra jahon chempioni bo'lgan. SHuningdek Osiyo chempionatida sovrinli o'rinlarni qo'lga kiritgan.

Eslatib o'tamiz, avvalroq O'zbekiston Respublikasi Prezidenti SHavkat Mirziyoev shaxmatchimizga ikki xonali uy sovg'a qilgandi. Sirojiddin esa davlatimiz rahbarining bunday yuksak etiboriga munosib tarzda javob qaytara oldi desak mubolag'a bo'lmaydi.