10 apr 09:27
Yangiliklar

SHaxmat

Candidates Women Tournament 2024. Peshqadam o'zgarmadi, 4 ta partiyaning barida murosayu madora + JADVAL

Teglar : Candidates Women Tournament 2024

Xabar berganimizdek, shu kunlarda Kanadaning Toronto shahri shaxmat bo'yicha jahon toji uchun Candidates Tournament 2024 turniriga mezbonlik qilmoqda.

Ayol shaxmatchilar musobaqasida xitoyliklar Ley Tincze, Tan CHjuni, hindistonliklar Xampi Koneru, Rameshbabu Vayshali, ukrainalik Anna Muzichuk, bolgariyalik Nurgyul Salimova, FIDE bayrog'i ostida ishtirok etayotgan Aleksandra Goryachkina va Katerina Lagno toj davogarini aniqlab berish uchun bahs olib boryapti.

Beshinchi turda xitoylik Tan CHjuni oq donalarda o'ynashiga qaramay, bolgariyalik Nurgyul Salimovani enga olmadi. SHunga qaramay, CHin yurti vakilasi 3,5 ochko bilan turnir jadvalidagi peshqadamligini saqlab qoldi. Bunga qolgan partiyalarda ham durang natija qayd etilgani sabab bo'ldi.

Candidates Women Tournament 2024. 5-tur natijalari

Tan CHjuni (Xitoy) — Nurgyul Salimova (Bolgariya) — 1/2:1/2.

Xampi Koneru (Hindiston) — Aleksandra Goryachkina (Rossiya) — 1/2:1/2.

Rameshbabu Vayshali (Hindiston) — Anna Muzichuk (Ukraina) — 1/2:1/2.

Ley Tincze (Xitoy) — Ekaterina Lagno (Rossiya) — 1/2:1/2.

Malumot uchun, Candidates Tournament 2024 turnirning umumiy mukofot jamg'armasi 750 000 evroni tashkil etadi. Umumiy summadan 500 ming dollari erkaklar, 250 mingi ayollar o'rtasidagi turnirga tegishli. Yani, erkak shaxmatchilar mukofot pulini ayollarga qaraganda ikki barabar ko'proq olishadi. Erkaklarda g'olib 48 000, ayollar esa 24 000 evroni qo'lga kiritadi.