Candidates Women Tournament 2024. Tan CHjuni davogarlar turniri g'olibasi!

Ayol shaxmatchilar musobaqasida g'oliba nomi yakunga bir tur qolganda deyarli aniq bo'lib ulgurgandi. Faqat bu chempionlikni rasman rasmiylashtirib olishdi qolgandi, xolos. Xitoylik Tan CHjuni so'nggi 14-turda ukrainalik Anna Muzichuk bilan qora donalarda durang o'ynab, yakunda 9 ochko bilan musobaqa g'olibasiga aylandi. Uch nafar shaxmatchi - Xampi Koneru, Ley Tincze va Vayshali 7,5 tada ochko jamg'arib, to'rtlikni yakunlab berishdi. 

SHu tariqa, Tan CHjuni davogarlar turniri g'olibasi sifatida 2025 yilda amaldagi toj sohibi, vatandoshi Czyuy Venczyunga qarshi jahon chempionligi uchun dona surish huquqini qo'lga kiritdi. 

Candidates Women Tournament 2024. 14-tur natijalari

Ekaterina Lagno (FIDE) — Rameshbabu Vayshali (Hindiston) — 0:1

Ley Tincze (Xitoy) — Xampi Koneru (Hindiston) — 0:1

Anna Muzichuk (Ukraina) — Tan CHjuni (Xitoy) — 1/2:1/2

Aleksandra Goryachkina (FIDE) — Nurgyul Salimova (Bolgariya) — 1/2:1/2.

Turnir jadvalidagi yakuniy holat:

1. Tan CHjuni – 9 ochko

2-4. Koneru, Ley Tincze, Vayshali – 7,5

5. Goryachkina – 7

6. Lagno – 6,5 

7-8. Muzichuk, Salimova – 5,5

Candidates Tournament 2024 turnirning umumiy mukofot jamg'armasi 750 000 evroni tashkil qildi. Umumiy summadan 500 ming dollari erkaklar, 250 mingi ayollar o'rtasidagi turnirga tegishli bo'ldi. Erkaklarda g'olib 48 000, ayollarda esa 24 000 evroni qo'lga kiritdi.