Candidates Women Tournament 2024. Tan CHjuni yakka peshqadam FOTO + JADVAL

Ayol shaxmatchilar musobaqasi murosasiz kurashlarga boy tarzda o'tmoqda. Xitoyliklar Ley Tincze, Tan CHjuni, hindistonliklar Xampi Koneru, Rameshbabu Vayshali, ukrainalik Anna Muzichuk, bolgariyalik Nurgyul Salimova, FIDE bayrog'i ostida ishtirok etayotgan Aleksandra Goryachkina va Katerina Lagno toj davogarini aniqlab berish uchun o'zaro bahs olib borishyapti.

Kecha o'tkazilgan 12-turdan so'ng turnir jadvalida yakka peshqadamlik saqlanib qoldi. Xitoylik Tan CHjuni qora donalarda bolgariyalik Nurgyul Salimova bilan durang o'ynadi. Bundan uning eng yaqin taqibchisi, vatandoshi Ley Tincze foydalanib qololmadi. CHin yurti vakilasi Ekaterina Lagno bilan murosaga keldi. 

Musobaqa yakunlanishiga ikki tur qolgan bir paytda Tan CHjuni 8 ochko bilan peshqadamlikni davom ettirmoqda. Ley 7,5 ochko bilan ikkinchi o'rinni band etgan. Keyingi pog'onalardan Aleksandra Goryachkina, Ekaterina Lagno va Xampi Koneru joy olgan. Bu uch shaxmatchi hisobida 6 tadan ochko bor. Vayshali, Muzichuk va Salimova chempion bo'lish imkoniyatidan mahrum bo'lib ulgurishdi.   

Candidates Women Tournament 2024. 12-tur natijalari

Ekaterina Lagno (FIDE) — Ley Tincze (Xitoy) — 1/2:1/2

Anna Muzichuk (Ukraina) — Rameshbabu Vayshali (Hindiston) – 0:1

Aleksandra Goryachkina (FIDE) — Xampi Koneru (Hindiston) — 1/2:1/2

Nurgyul Salimova (Bolgariya) — Tan CHjuni (Xitoy) — 1/2:1/2

12-turdan keyingi turnir jadvalidagi holat:

1. Tan – 8 ochko

2. Ley – 7,5 

3-5. Goryachkina, Lagno, Koneru – 6 

6. Vayshali – 5,5

7-8. Muzichuk, Salimova – 4,5

Candidates Women Tournament 2024. 13-tur juftliklari

Tan CHjuni (Xitoy) — Aleksandra Goryachkina (FIDE)

Rameshbabu Vayshali (Hindiston) — Ley Tincze (Xitoy)

Nurgyul Salimova (Bolgariya) — Ekaterina Lagno (FIDE) 

Xampi Koneru (Hindiston) —  Anna Muzichuk (Ukraina)

Malumot uchun, Candidates Tournament 2024 turnirning umumiy mukofot jamg'armasi 750 000 evroni tashkil etadi. Umumiy summadan 500 ming dollari erkaklar, 250 mingi ayollar o'rtasidagi turnirga tegishli. Yani, erkak shaxmatchilar mukofot pulini ayollarga qaraganda ikki barabar ko'proq olishadi. Erkaklarda g'olib 48 000, ayollar esa 24 000 evroni qo'lga kiritadi.