Candidates Women Tournament 2024. Tan yana yakka peshqadam

Ayol shaxmatchilar musobaqasi murosasiz kurashlarga boy tarzda o'tmoqda. Xitoyliklar Ley Tincze, Tan CHjuni, hindistonliklar Xampi Koneru, Rameshbabu Vayshali, ukrainalik Anna Muzichuk, bolgariyalik Nurgyul Salimova, FIDE bayrog'i ostida ishtirok etayotgan Aleksandra Goryachkina va Katerina Lagno toj davogarini aniqlab berish uchun o'zaro bahs olib borishyapti.

Kecha o'tkazilgan 9-turdan so'ng turnir jadvalida yana yakka peshqadamlik yuzaga keldi. Avvalgi turdan keyin uch nafar karvonboshi paydo bo'lgandi. Xitoylik Tan CHjuni qora donalarda o'ynashiga qaramay, Rameshbabu Vayshalidan ustun keldi. Uning asosiy raqibalari Aleksandra Goryachkina va Ley Tincze kechagi turda ochko yo'qotishdi. Buning natijasida Tan 6 ochko bilan turnir jadvalida yana yakka peshqadam bo'lib oldi. 

Candidates Women Tournament 2024. 9-tur natijalari

Xampi Koneru (Hindiston) — Ekaterina Lagno (FIDE) — 1/2:1/2

Rameshbabu Vayshali (Hindiston) — Tan CHjuni (Xitoy) — 0:1

Ley Tincze (Xitoy) — Nurgyul Salimova (Bolgariya) — 1/2:1/2

Anna Muzichuk (Ukraina) — Aleksandra Goryachkina (FIDE) — 1/2:1/2

9-turdan keyingi turnir jadvalidagi holat:

1. Tan CHjuni – 6 ochko

2-3. Goryachkina, Ley – 5,5 

4. Lagno – 5

5-6. Koneru, Salimova – 4

7. Muzichuk – 3,5

8. Rameshbabu Vayshali – 2,5

Candidates Women Tournament 2024. 10-tur juftliklari

Ekaterina Lagno (FIDE) — Anna Muzichuk (Ukraina)

Aleksandra Goryachkina (FIDE) — Ley Tincze (Xitoy)

Nurgyul Salimova (Bolgariya) — Rameshbabu Vayshali (Hindiston)

Tan CHjuni (Xitoy) — Xampi Koneru (Hindiston)  

Malumot uchun, Candidates Tournament 2024 turnirning umumiy mukofot jamg'armasi 750 000 evroni tashkil etadi. Umumiy summadan 500 ming dollari erkaklar, 250 mingi ayollar o'rtasidagi turnirga tegishli. Yani, erkak shaxmatchilar mukofot pulini ayollarga qaraganda ikki barabar ko'proq olishadi. Erkaklarda g'olib 48 000, ayollar esa 24 000 evroni qo'lga kiritadi.