CHavandozlarimiz EvroOsiyo ligasida munosib ishtirok etishdi

Musobaqaning birinchi kunida hamyurtlarimiz sovrindorlar qatoridan joy olishdi. 120-130 sm balandlikdagi to'siqlardan sakrash bahslarida hamyurtimiz Bekzod Qurbonov “Derlivang” laqabli otida oltin medalni qo'lga kiritdi. 2 fazali 110 sm balandlikdagi to'siqlardan sakrash bahslarida Dilshod SHokirov ham 1-o'rinni egalladi.

125 sm balandlikdagi to'siqlardan sakrash bahslarida Bahromjon Gaziev “Ledi” laqabli otida 2-o'rinni, 2 fazali 100 sm balandlikdagi to'siqlardan sakrash bo'yicha Bekzod Qurbonov “Donna Gloriana” laqabli otida 3-o'rinsa sazovor bo'ldi.

Konkur bo'yicha yoshlar va kattalar o'rtasida EvroOsiyo ligasi bahslarining ikkinchi kuni ham chavandozlarimizning sovrinli o'rinlarni qo'lga kiritishi bilan yakunlandi.

Balandligi 115 sm bo'lgan (ikki davrada) to'siqlardan sakrashda Boburjon Valijonov “Samira” laqabli otida yakkalik bahslarida kumush medalni qo'lga kiritdi. SHuningdek, Dilshod SHokirov va Boburjon Valijonovlar to'siqlar balandligi 115 sm bo'lgan marshrutda jamoaviy bahslarda 2-o'rinni egallashdi.

Balandligi 115 sm bo'lgan to'siqlardan sakrash bahslarida ham hamyurtlarimiz g'olib bo'lishdi: Azam Tolibboev birinchi bo'ldi, kumush medal esa “Brand” laqabli ot bilan qatnashgan Umidjon Komilovga nasib etdi.

To'siqlar balandligi 135-140 sm bo'lgan bahslarda 6 ta davlat o'rtasida umumjamoa hisobida O'zbekiston termasi kumush medalni qo'lga kiritdi. Ushbu yo'nalishda O'zbekiston terma jamoasi sharafini Bekzod Qurbonov, Umidjon Komilov, Nurjon Tuyakboev va Azam To'libboevlar himoya qilishdi.