CHavandozlarimiz Evropa arenalarida muvaffaqiyatli ishtirok etishmoqda

Unda yilqichilik va ot sporti federaciyasi vice-prezidenti Feruz Abdullaev, O'zbekiston zamonaviy beshkurash federaciyasi raisi Bahromjon Gaziev ham chavandoz bo'lib o'z mahoratlarini sinab ko'rishdi. SHuningdek, sportchimiz Abdurahmon Abdullaev ham musobaqada yurtimiz sharafini himoya qildi. 

Turnirning ikkinchi haftaligida yurtdoshlarimiz dunyoning 20 dan ortiq mamlakatidan tashrif buyurgan 80 dan oshiq sportchilari bilan bellashishdi. Bahslar yakuniga ko'ra balandligi 110-150 sm bo'lgan to'siqlardan o'tish bellashuvlarida Abdurahmon Abdullaev musobaqaning kumush va bronza medallariga sazovor bo'ldi. Ushbu musobaqada Baxromjon Gaziev chavandoz sifatida musobaqaning kuchli beshligidan o'rin oldi.

Eslatib o'tamiz, chavandozlarimiz olti bosh sport otlari bilan Evropa arenalarida o'z ishtiroklarini davom ettirishmoqda.