31 okt 18:48
Yangiliklar

Eshkak eshish

CHempionlik bajarildi, navbat Tokio-2020 licenziyasiga

Kuni kecha Janubiy Koreyaning CHonju shahrida o'tkazilgan akademik eshkak eshish bo'yicha Osiyo chempionatida muvaffaqiyatli ishtirok etgan terma jamoamiz qisqa dam olishdan so'ng yana mashg'ulotlarga zo'r bermoqda.

Osiyo chempionatida 3 ta oltin va 3 ta kumush medallarini jamg'argan sportchilarimiz ertadan yangi yig'inni boshlashadi.

24 noyabrga qadar davom etadigan ushbu o'quv-mashg'uloti yig'ini kelasi yil Tokio Olimpiadasiga yo'llanma beruvchi musobaqaga tayyorgarlikning asosiy bosqichi hisoblanadi. Mazkur yig'inga murabbiylarimiz 27 nafar sportchini jalb qilishgan.

SHuningdek, slalomchilarimiz ham licenzion musobaqaga tayyorgarlik doirasida Namangan viloyatida mashg'ulotlarni boshlashdi. 19 noyabrga qadar davom etadigan ushbu yig'inda 16 nafar sportchi qatnashadi.