06 iyu 07:27
Yangiliklar

Futbol

CHerchesovdan antirekord, u rossiyalik murabbiylar orasida "birinchi"!

Xabar berganimizdek, kecha Rossiya terma jamoasi Turkiya bilan o'rtoqlik uchrashuvida durang (1:1) qayd etib, g'alabasiz seriyani 7 ta uchrashvga etkazdi.

Bu terma jamoaning bir murabbiy qo'l ostidagi eng yomon natijasidir. CHerchesovga qadar bu kabi salbiy natijaga Anatoliy Bishovec (1998 yil, 6 o'yin, 6 mag'lubiyat) va Leonid Sluckiy (2016 yil, 2 mag'lubiya va 4 durang) “erishgandi”.

Bu ikki mutaxassis ham oltinchi uchrashuvdan keyin o'z lavozimlarini tark etishgandi. Rossiya terma jamoasi so'nggi bor 2017 yilning oktyabrida g'alabaga erishgandi. O'shandan beri ular o'tkazgan uchrashuvlarining 4 tasida mag'lub bo'lishgan, 3 tasida esa durang qayd etishgan.