Chess Classic Romania 2026. Sindarov Karuana bilan o'ynadi. Bugun peshqadamga qarshi chempionlik yo'lidagi so'nggi imkoniyat

Musobaqada yuqori reytingga ega o'n nafar grossmeyster bosh sovrin uchun kurash olib boryapti. Ular orasida "Nomzodlar turniri" g'olibi Javohir Sindarov ham bor. Hamyurtimiz bir kunlik tanaffusdan so'ng o'tkazilgan 6-turda qora donalarda dunyoning uchinchi raqamli shaxmatchisi amerikaoik Fabiano Karuana bilan durang o'ynadi.  

Ikkita turni mehmonxonadagi o'z nomerida yotgan holda o'tkazgan franciyalik Alireza Firuzdja jarohati bilan ortiq o'ynay olmasligini malum qildi va musobaqadagi ishtirokini yakunladi. Bu esa uning keyingi raqiblariga qo'l keladigan bo'ldi. Raqiblarga to'g'ridan-to'g'ri texnik g'alaba yoziladi. Aynan 6-turdagi raqib Vinsent Keymer uchrashuvsiz bir ochkoga ega bo'ldi. Beshinchi turda Javohir Alireza bilan murosaga kelgandi. 

Oltinchi turning qolgan barcha partiyalarida ham durang natija qayd etildi. Peshqadam Vinsent Keymer ochkolarini 4,5 taga etkazib oldi. Fabiano Karuana, Anish Giri, Yorden van Forest va Rameshbabu Praggnanandha hisobida 3,5 tadan ochko bor. Qo'shimcha ko'rsatkichlarga ko'ra Fabi 2-o'rinni egallab turibdi. Uesli So va Maksim Vashe-Lagrav 3 tadan ochko jamg'argan.  

Javohir Sindarov 2,5 ochko bilan hamon 8-pog'onada bormoqda. Ruminiyalik Bogdan-Daniel Dik 2 ochko bilan 9-o'rindan joy olgan bo'lsa, autsayder Alireza Firuzdja hisobida 1 ochko bor va uning musobaqani 10-o'rinda yakunlashi oydinlashdi. 

Bugun 7-turda Javohir Sindarov oq donalarda germaniyalik karvbonboshi Vinsent Keymerga qarshi bahs olib boradi. Hamyurtimiz g'alaba qozongan taqdirda chempionlik uchun imkoniyatni saqlab qoladi, aks holda sovrinli o'rinlarsiz qolib ketishi mumkin. Uchrashuvlar bizning vaqt bilan soat 18:00da boshlanadi. CHempion 100 000 dollarni qo'lga kiritadi.