16 iyu 19:01
Yangiliklar

Tennis, Futbol

CHilich tashkil etgan ko'rgazmali turnirda Modrich va Manjukich ham qatnashdi

Xorvatiyalik tennischi Marin CHilich Game Set Hrvatska nomli xayriya turniri o'tkazdi.

Ushbu tadbirda Xorvatiya sportining 30 nafar yulduzi ishtirok etdi. Ular tennis kortida o'zlarining nimalarga qodir ekanliklarini namoyish qilishdi.

Kortga chiqqanlar orasida Luka Modrich, Mario Manjukich, Deyan Lovren, Mateo Kovachich, Andrey Kramarich, Ante Rebich, Ivan Perishich, Ivan Klasnich singari futbol yulduzlari, shuningdek, Ivan Lyubichich, Mario Anchich, Mate Delich, Ana Konyux, Iva Mayoli, Ivan Dodig, Mate Pavich, Franko Skugor kabi tennis va boshqa sport vakillari bor edi.

Hal qiluvchi final uchrashuvida futbolchi Mario Manjukich va yosh tennischi Patrik Yurin tennis hamda futbol yulduzlari Marin CHilich va Luka Modrichni mag'lub etishdi. Turnirdan yig'ilgan mablag' xayriya ishlariga sarflanadi.