Modrich Portugaliyaning penaltisi haqida keskin fikr bildirdi

Ikkinchi bo'limda Xorvatiya 1:0 hisobida oldinda borayotgan edi. Uchrashuvning 64-daqiqasida Nikola Vlashichning Renatu Veygaga ishlatgan qo'polligi uchun VAR tekshiruvidan so'ng xorvatlar darvozasiga penalti belgilandi. Krishtianu Ronaldu 11 metrlik jarima zarbasini aniq amalga oshirdi.

"Xorvatiya bundan ancha ko'prog'iga loyiq edi. Ayrim vaziyatlar bizning zararimizga ishladi.

O'sha penalti... Men VAR haqida u ilk bor joriy etilgan boshlang'ich davridayoq aytgandim – u menga yoqmasligini bildirgandim. Vaqt o'tishi bilan bu vosita bazi vaziyatlarda foydali bo'ldi, ammo undan noto'g'ri, tanlab yoki jamoaning nufuziga qarab foydalanishmoqda.

VAR faqatgina 100 emas, 200 foizlik xato bo'lgandagina aralashishi lozim. Agar unday bo'lmasa, vaziyat mavhum bo'lsa, unda aralashishdan mano yo'q. VARga murojaat qilishga ehtiyoj mavjud emas edi. Bu penalti emas. Futbolchilar o'zaro kurashishdi, bir-birlarini turtishdi. Vlashich raqibni tortgani yo'q, ularning ikkalasi ham yiqildi.

Mana shuning uchun ham bunday o'yinda penalti belgilash mumkin emas. SHu sababli aytyapmanki, penalti faqat yuz foizlik xato holatidagina qo'yilishi kerak. Bu meni g'azablantiradi, futbolga zarar keltiradi. Nima ham qilardik, bo'lar ish bo'ldi. Oldinga harakat qilishda davom etamiz.

Nolimoqchi emasmiz, lekin, albatta, ayrim narsalar meni bezovta qiladi, chunki bu erda taqdir hal bo'lmoqda. Bu sen qilayotgan, voz kechayotgan, o'zingni qiynayotgan va kurashayotgan barcha narsang uchun kayfiyatni belgilab beradi.

Bu haqda boshqa gapirmayman. Ayniqsa ikkinchi bo'limda ko'rsatgan o'yinimiz, qanday kurashganimiz va Xorvatiyani qanday namoyish etganimiz bilan faxrlansak arziydi.

Bu butun dunyo taniydigan, hurmat qiladigan va yaxshi ko'radigan o'sha Xorvatiyadir. Oldinga intilishda davom etamiz", – deya bayonot berdi Luka Modrich.