19 dek 14:16
Yangiliklar

Boshqalar

CHim ustida xokkey bo'yicha O'zbekiston terma jamoasi Olimpiadaga saralash o'yinlarini g'alaba bilan boshladi

17-22 dekabr kunlari Pokistonning Lahor shahrida o'tkazilayotgan chim ustida xokkey sport turi bo'yicha erkaklar o'rtasidagi “Hockey Series Open” xalqaro turnirining birinchi bosqichida O'zbekiston milliy terma jamoasi ham ishtirok etmoqda.

Mazkur musobaqaning ahamiyatli tomoni shundaki, Tokio-2020 Olimpiadasiga licenziya beruvchi xalqaro turnir hisoblanadi.

Bizning xokkeychilarimiz Qozog'iston, Nepal va Afg'oniston terma jamoalari bilan bir guruhdan joy olgan. 17 dekabr kuni o'tkazilgan birinchi uchrashuvda vakillarimiz Afg'oniston terma jamoasi ustidan 11:0 hisobida g'alaba qozonishdi.

Keyingi o'yinlar 20 dekabrda Nepal jamoasi bilan, 22 dekabr kuni Qozog'iston jamoasi bilan o'tkaziladi.

Guruhda birinchi o'rinni ko'lga kiritgan jamoa 2019 yil Hindistonda bo'lib o'tadigan ushbu turnirning final bosqichiga yo'llanma ko'lga kiritadi.