04 okt 08:52
Yangiliklar

Tennis

China Open. Cicipasning yurishi davom etmoqda

Sayyoramizning ettinchi raketkasi Stefanos Cicipas Xitoy poytaxti Pekin shahrida o'tkazilayotgan turnirning chorak finaliga yo'l oldi.

Greciyalik tennischi China Open musobaqasining navbatdagi bosqichida reytingning 17-pog'onasidan joy olgan gruziyalik Nikoloz Basilashviliga qarshi kortga chiqdi.

Cicipas 2 soatu 8 daqiqa davom etgan bahsda raqibini uch set natijasiga ko'ra taslim etdi - 4/6, 6/3, 6/2. Ikkala tennischi ham 8 tadan eys zarbasini amalga oshirgan. Stefanos o'zaro uchrashuvlarda 2:0 hisobida oldinga chiqib oldi. Cicipas chorak finalda amerikalik Jon Isnerga qarshi bahs olib boradi.