02 okt 08:15
Yangiliklar

Tennis

China Open. Naomi Osaka raqibasiga ikkita geym berdi

Sayyoramizning to'rtinchi raqamli tennis malikasi Naomi Osaka Xitoy poytaxti Pekin shahrida o'tkazilayotgan turnirning uchinchi davrasiga yo'l oldi.

Kunchiqar yurt vakilasi China Open turnirining ikkinchi bosqichida germaniyalik Andrea Petkovichga qarshi bahs olib bordi. Naomi 58 daqiqa davom etgan uchrashuvda dunyoning 82-raketkasini 6/2, 6/0 hisobida taslim etdi.

Naomi 5 ta eys zarbasini amalga oshirdi. Ikki tennischining o'zaro uchrashuvlaridagi muvozanat tiklandi - 1:1. Osaka endi China Open turnirining uchinchi davrasida amerikalik Elison Riskega qarshi kortga chiqadi. Riske o'z o'rnida avstraliyalik Ayla Tomlyanovichdan ustun keldi - 6/3, 3/6, 6/4.