CHirchiqda yozgi biatlon bo'yicha viloyat chempionati o'tkazildi

O'zbekiston Respublikasi Mudofaasiga ko'maklashuvchi “Vatanparvar” tashkiloti Toshkent viloyati kengashi hamda CHirchiq avtomobil maktabi hamkorligida tashkil etilgan mazkur kubok bellashuvlarida viloyatning barcha tuman va shaharlaridan 100 nafar yosh biatlonchi ishtirok etdi.

Murosasiz va qiziqarli o'tgan bellashuvlarning yakuniy natijalariga ko'ra 1998-2002 yillarda tug'ilgan qizlar o'rtasida Bibimaryam Suyunova birinchi o'rinni, SHaxlo Mahmudova ikkinchi, Dilrabo Baxtiyorova uchinchi o'rinni egallashdi. Xuddi shu yosh toifasidagi o'g'il bolalar bahsida Bekzod Bekov birinchi, Yusuf Abdullaev ikkinchi, Oybek Mamatqulov uchinchi o'rinlarga ega chiqishdi. 2003 yilda tug'ilgan o'g'il bolalar o'rtasidagi musobaqada M. Urkinbaev (1-o'rin), S. Husanov (2-o'rin), X. Mahkamov (3-o'rin)lar kuchli uchlikdan joy olishdi. 

2003 yilda tug'ilgan qizlar orasida Santalat Toxirova birinchi, Alime Ayidinova ikkinchi, Inboat Tojiboeva uchinchi o'rinlarni qo'lga kiritib, shohsupaga ko'tarilishdi. Umumjamoa hisobida faxrli birinchi o'rinni Bustonliq tumani jamoasi egalladi. CHirchiq shahri jamoasi ikkinchi va Parkent tumani jamoasi uchinchi o'rinlarni band etdi.

G'olib va sovrindorlar tashkilotchilar tomonidan diplom, medal va esdalik sovg'lari bilan mukofotlanishdi.

Said G'ANIEV, CHirchiq avtomobil maktabi boshlig'i: - Ushbu musobaqani o'tkazishimizdan maqsad - yoshlar orasida sportning texnik va amaliy turlarini keng ommalashtirish, qolaversa, yozgi biatlon bo'yicha viloyat terma jamoasiga iqtidorli sportchilarni saralash va respublika miqyosida o'tadigan yozgi biatlon bellashuvlarida kuchlilar qatoridan joy olishdan iborat.

Ilhom RAHMONOV tayyorladi