CHiroqchida belbog'li kurash bo'yicha O'zbekiston chempionati o'tkazilyapti + FOTO

O'zbekiston Respublikasi Sport vazirligi hamda O'zbekiston belbog'li kurash federaciyasining yillik taqvim-rejasidan o'rin olgan ushbu musobaqada Qoraqalpog'iston Respublikasi, Toshkent shahri va barcha viloyatlardan 300 nafardan ziyod yosh polvonlar belbog'li kurashning klassik va erkin yo'nalishida o'z vazn toifalariga ko'ra g'oliblik yo'lida besh olishyapti.  

Takidlash joiz, CHiroqchi tuman hokimligi, Qashqadaryo viloyat sport boshqarmasi, viloyat belbog'li kurash federaciyasi, tuman sport maktabi tomonidan mazkur musobaqaning ko'tarinki ruhda o'tishi uchun yuqori darajada tayyorgarlik ko'rilgan.

O'zbekiston chempionatida dastlab, musoboqaning tantanali ochilish marosimi tashkil etildi. Unda so'z olgan CHiroqchi tuman hokimi Fayzulla Yusupov, O'zbekiston belbog'li kurash federaciyasi raisi Ravshan Dastirov hamda viloyat belbog'li kurash federaciyasi raisi Farhod Jumanovlar mamlakatimizda jismoniy tarbiya va sportga, xususan, milliy sport turlarimizga qaratilayotgan yuksak etibor xususida takidlab, musobaqa ishtirokchilariga omad tilashdi.

SHundan so'ng musobaqa reglamentiga muvofiq, o'g'il bolalar belbog'li kurashning klassik yo'nalishida 13 ta vazn toifasida, qizlar esa erkin yo'nalishda 9 ta vaznda bellashuvlarga kirishdi. Musobaqa 6 mayga qadar davom etadi.  

Ilhom RAHMONOV tayyorladi