Cicipasni mag'lub etgan Alkaraz Top-10'da debyut qiladi

Barselonadagi turnirning chorak finalida jahonning beshinchi raketkasi Stefanos Cicipasni mag'lub etgan Karlos Alkaraz dushanba kuni yangilanadigan ATR reytingi Top-10 ligida debyut qiladi. Hozirda 11-o'rinda borayotgan ispaniyalik tennischi kamida 10-o'ringa ko'tariladi. SHu tariqa, u Kemeron Norrini ortda qoldiradi va kuchli o'nlikka kirgan eng yosh tennischiga aylanadi. 

Barselonadagi turnirning finali yoki chempionlik Karlosga jahon tasnifidagi 9-o'rinni kafolatlaydi.

Malumot uchun, Alkaraz oxirgi etti uchrashuvining beshtasini Top-5 tennischilariga qarshi o'tkazib, shularning uchtasida g'alaba qozondi. U Cicipasga qarshi uchinchi bor kortga chiqib, ushbu bahsda ham zafar quchdi. Joriy mavsumda 24 ta uchrashuv o'tkazgan Alkaraz 21-g'alabasini tantana qilmoqda. Tennischi mavsum boshidan buyon ikkita turnirda chempionlikni qo'lga kiritdi.