"Dallas" "Golden Steyt"ga qarshi to'rtinchi o'yinda seriyadagi ilk g'alabasini qo'lga kiritdi

Unda "Dallas Maveriks" klubi "Golden Steyt Uorriorz"ni qabul qildi. Uchrashuv mezbonlarning 119:109 hisobidagi g'alabasi bilan yakunlandi. Bu "Dallas"ning seriyadagi ilk  g'alabasi edi - 1:3.

"Dallas Maveriks"ning sloveniyalik basketbolchisi Luka Donchich 30 ochko, 14 ta riband va 9 ta samarali uzatma bilan dabl-dabl qayd etib, uchrashuvning eng yaxshi o'yinchisi bo'ldi. "Golden Steyt" tarkibida esa eng yaxshi ko'rsatkichni amerikalik Stefen Karri (20 ochko, 5 riband va 8 samarali uzatma) va Jonatan Kumin (17 ochko, 8 riband va bitta assist) qayd etdi.

Seriyaning navbatdagi o'yini 27 may kuni San-Fransiskoda "Golden Steyt" maydonida bo'lib o'tadi. Uchrashuv Toshkent vaqti bilan tonggi soat 6:00da boshlanadi.