Denis Istomin Bellada 1/4 finalga chiqdi

"Biella Challenger 80" musobaqasida mamlakatimizning birinchi raketkasi Denis Istomin ham muvaffaqiyatli ishtirok etyapti. Hamyurtimiz ilk davrada ukrainalik Ilya Marchenkoni 7:6(7:0), 6:2 hisoblarida mag'lub etgan edi. 

Denis hozirgina yakuniga etgan 1/8 final uchrashuvida italiyalik Stefano Napolitanoga qarshi kortga chiqdi. Bir soatu 27 daqiqa davom etgan uchrashuvda Istomin ATP reytingida 268-pog'onadan joy olgan Stefanodan 6/3, 6/4 hisoblarida ustun keldi. 

Bu tennischilarning o'zaro o'tkazgan ilk uchrashuvi edi. Denis bahs davomida 5 ta, Napolitano esa 7 ta eys zarbasini amalga oshirdi. Tennischimizning chorak finaldagi raqibi turnirning ikkinchi raketkasi Kristofer O`Konell bo'ladi. Hozirgina yakuniga etgan uchrashuvda Kristofer argentinalik Xuan Pablo Fikovichni 5/7, 6/4, 6/1 hisoblarida engdi.