Denis Istomin Delrey-Bichda nomdor raqibini mag'lub etdi

Xabar berganimizdek, ushbu turnirda hamyurtimiz Denis Istomin ham ishtirok etayotgandi. Mamlakatimizning birinchi raketkasi musobaqadagi ishtirokini saralash bosqichidan boshladi. 

Denis saralashning 1/2 finalida ispaniyalik taniqli tennischi Gilermo Garsiya-Lopesga qarshi kortga chiqdi. Bir soatu 14 daqiqa davom etgan bahsda Istomin raqibini 7:5, 6:2 hisobida mag'lubiyatga uchratdi. Bu bilan Istomin o'zaro uchrashuvlardagi hisob muvozanatini ham tikladi - 3:3. 

Bugun hamyurtimiz asosiy to'rga yo'llanma beruvchi uchrashuvda amerikalik Noy Rubinga qarshi kortga chiqadi. Denis ayni paytda jahon reytingida 161, Garsiya-Lopes 163, Rubin esa 269-o'rinni egallab turibdi. Kecha Noy dunyoning 116-raketkasi, italiyalik Paolo Lorencini 7:5, 7:6(5) hisobida mag'lub etishni uddaladi.