Denis Istomin g'alaba bilan boshladi

Mukofot jamg'armasi 53,120 dollarni tashkil qiluvchi "Nur-Sultan Challenger 80" turnirida ikki hamyurtimiz Denis Istomin va Sergey Fomin ham o'z mahoratlarini namoyish etishyapti. 

Quvonarlisi, hozir yakuniga etgan va 125 daqiqa davom etgan uchrashuvda Istomin rossiyalik Yan Bondarevskiyni uch set natijasiga ko'ra mag'lubiyatga uchratdi - 6/3, 3/6, 6/2 Denis bahs davomida 10 ta, Yan esa 2 ta eys zarbasini amalga oshirdi. 

Malumot uchun, Denis Istomin ATR reytingida 449, Yan Bondarevskiy esa 441-o'rinni egallab turibdi. Hamyurtimizning ikkinchi davradagi raqibi ukrainalik Ilya Marchenko bo'ladi. Dunyoning 288-raketkasi bo'lib turgan Marchenko birinchi bosqichda reytingning 900-pog'onasidan joy olgan qozog'istonlik Grigoriy Lomakindan 6/3, 6/3 hisobida ustun keldi.