Denis Istomin Kolumbus turniri bosh sovrini uchun kortga chiqadi

Ushbu musobaqada O'zbekistonning birinchi raketkasi Denis Istomin (reytingda 165-o'rin) ham muvaffaqiyatli ishtirok etyapti. Bahslarga to'g'ridan-to'g'ri ikkinchi bosqichdan qo'shilgan hamyurtimiz musobaqaning hal qiluvchi final uchrashuviga yo'l oldi. 

Istomin yarim final uchrashuvida reytingning 172-pog'onasidan joy olib turgan avstriyalik Yuriy Rodionovga qarshi bahs olib bordi. Denis 80 daqiqa davom etgan uchrashuvda raqibidan 6:3, 7:6(1) hisobida zafar quchdi. Bugun Istomin bosh sovrin uchun reytingda o'zidan ikki pog'ona yuqorida turgan amerikalik Jeffri Jon Volfga qarshi kortga chiqadi.