Denis Istomin US Open turnirida kortga chiqdi

Hamyurtimiz bundan bir necha daqiqa avval yakuniga etgan ilk davra bahsida amerikalik Stiv Jonsonga qarshi kortga chiqdi. Ikki soatu 12 daqiqa davom etgan uchrashuvda mezbonlar vakili 6:3, 7:6(6), 6:3 hisobida zafar quchib, ikkinchi davraga yo'l oldi.

Takidlash joiz, Istomin shanba kuni Osiyo o'yinlarining hal qiluvchi final uchrashuvida xitoylik Yibing Vuni mag'lubiyatga uchratib, oltin medalni qo'lga kiritgan edi. Deyarli bir sutkalik parvoz va charchoq alomatlari bugungi bahsda o'z so'zni aytdi. 

Taqqoslash uchun, Denis Istomin dunyo reytingida 76, Jonson esa 31-pog'onadan joy olgan. Ikki tennischi shu kungacha o'zaro bir marotaba to'qnash kelgandi. 2015 yilning 18 sentyabr kuni Toshkentda AQSH terma jamoasiga qarshi kechgan bahsda Istomin Jonsonni 6:1, 3:6, 7:6(5), 6:7(3), 7:5 hisobida mag'lub etgan edi. Demak, endi hisob tenglashdi.