Denis Istomin US Open turnirida qatnashadi, uning raqibi amerikalik!

Ayni paytda US Open musobaqasining saralash turniri o'tkazilayotgan bo'lib, asosiy to'r bahslariga dushanba kuni start beriladi. Ushbu nufuzli musobaqada hamyurtimiz Denis Istomin ham ishtirok etadi. 

Qura natijasiga ko'ra Istomin ilk davrada amerikalik Stiv Jonsonga qarshi kortga chiqadigan bo'ldi. Mamlakatimizning birinchi raketkasi birozdan so'ng Osiyo o'yinlarining tennis musobaqasi yakkalik bahslarining hal qiluvchi final uchrashuvida xitoylik Yibing Vuga qarshi kortga chiqadi. 

Taqqoslash uchun, Denis Istomin dunyo reytingida 75-o'rinni egallab turibdi. Jonson esa 34-pog'onadan joy olgan. Ikki tennischi shu kungacha o'zaro bir marotaba to'qnash kelishgan. 2015 yilning 18 sentyabr kuni Toshkentda AQSH terma jamoasiga qarshi kechgan bahsda Istomin Jonsonni 6:1, 3:6, 7:6(5), 6:7(3), 7:5 hisobida mag'lub etgan edi.