Deontey Uaylder Frensis Ngannuga "vyzov" tashladi

Sobiq UFC chempioni Top bokschilarning etiborini o'ziga tortib keladi. Bu birinchi galda mo'maygina gonorar ishlab olish manbai hisoblanadi. Bu safar "Xishnik" bilan jang qilish istagini sobiq WBC chempioni Deontey Uaylder bildirdi. U bundan bir yil oldin ham kamerunlik bilan jang bo'yicha muzokara olib borgan edi.

"Faoliyatimni davom ettiraman. Hamma yaxshi narsalar hali oldinda. Frensis, farzangdingni yo'qotganingdan afsusdaman va qayg'uingga sherikman. Istagim bundan buyon hayotingda faqat yaxshi kunlar bo'lsin. Ishon, men hali hanuz sen bilan jang qilish niyatidan voz kechmadim va bu borada javobingni kutyapman", - deya TMZ Sports nashriga intervyu bergan Uaylder.  

Eslatib o'tamiz, Ngannu UFC promoushenidan ketganidan keyin professional boks bo'yicha ikkita jang o'tkazdi. U avvaliga hakamlarning ayri qarori bilan Tayson Fyuriga yutqazdi. Keyin esa Entoni Joshua kamerunlikni ikkinchi raundda nokautga uchratdi. O'tgan oyda u Ar-Riyodda o'tgan PFL turniri doirasida Xenan Ferreyrani birinchi raunddayoq nokautga uchratib, PFL superchempioniga aylangan edi.

Deontey Uaylder esa professional boksdagi oxirgi beshta jangida faqat bir bor g'alaba qozondi. Ikki mag'lubiyatli seriya bilan kelayotgan amerikalik bokschini Jozef Parker va CHjiley CHjan taslim etgan. Xitoylik bokschi hatto texnik nokaut evaziga nomdor raqibini mag'lubiyatga uchratgan edi.