Doping sabab belgilangan diskvalifikaciya sportchimizning Osiyo o'yinlaridagi oltin medaliga tasir qiladimi?

"Butunjahon antidoping kodeksining 2.1 qoidasi (taqiqlangan modda yoki uning metabolitlari va markerlari sportchi analizida mavjudligi)ni buzganligi sababli Butunjahon antidoping kodeksining 10.2.1 bandiga binoan sportchi 3 yil muddatga diskvalifikaciya qilindi. Diskvalifikaciya jazo muddatini o'tayotgan shaxs (sportchi, murabbiy v.h.k)ning diskvalifikaciya muddati tugagunga qadar xalqaro va milliy toifadagi musobaqalar hamda o'quv-mashg'ulot yig'inlarida ishtirok etishi taqiqlanadi. Agar yuqoridagi talablar bajarilmagan taqdirda o'sha shaxsga nisbatan umrbod diskvalifikaciya muddati qo'llanilishi mumkin. SHuningdek, kodeksda sport federaciyasi yoki associaciyasiga nisbatan ham jazo chorasi qo'llash mumkinligi belgilangan", deyilgandi Milliy antidoping agentligi matbuot xizmati xabarida. 

Lekin Agentlik xabarida sportchimizdan qaysi musobaqada va qachon doping uchun tahlil olingani, jazo muddati qaysi kundan kuchga kirishi ochiqlanmagandi. Gap Osiyo o'yinlari chempioni haqida ketayotgani bois, bu diskvalifikaciya o'tgan yili Xanchjouda qo'lga kiritilgan 22 ta oltin medalimizga tasir qilishi mumkin edi. SHu bosidan ham biz Milliy antidoping agentligi matbuot xizmati bilan bog'lanib, mavhumlikka oydinlik kiritdik.    

"Xolmurodov diskvalifikaciyasining Osiyo o'yinlarida qo'lga kiritgan oltin medaliga tasiri yo'q. Sababi, undan 2024 yilning 7 mart kuni doping sinama olingan. Diskvalifikaciya muddati (vaqtinchalik sportdan chetlatish muddatini hisobga olgan holda) 2024 yil 3 apreldan 2027 yil 2 aprelga qadar belgilangan", deya vaziyatga oydinlik kiritdi O'zbekiston Milliy antidoping agentligi matbuot xizmati rahbari Humoyun Omonov.

Eslatib o'tamiz, SHohmurod Xolmurodov o'tgan yili Xitoyning Xanchjou shahrida o'tkazilgan Osiyo o'yinlarida Nurislom To'xtasin o'g'li bilan birgalikda oltin medalni qo'lga kiritgan edi.