05 okt 19:41
Yangiliklar

Boshqalar

Duatlon bo'yicha Xorazm viloyati kubogi sohibi aniqlandi

Teglar : Duatlon Xorazm

O'zbekiston Mudofaasiga ko'maklashuvchi “Vatanparvar” tashkiloti Xorazm viloyat texnik va amaliy sport turlari markazi tomonidan yoshlarni vatanparvarlik ruhida tarbiyalash, ularni manan va jismonan barkamol tarzda voyaga etishini taminlash maqsadida turli musobaqalar o'tkazilyapti.

Urganch tumanining CHolish qo'rg'onida joylashgan o'quv-mashq maydonida sportning duatlon turi bo'yicha tashkil etilgan viloyat kubogining final bosqichi ham ana shu ezgu niyatlarning ushalishiga xizmat qiladi.

Yakuniy natijalarga ko'ra, 2001-2003 yillarda tug'ilgan duatlonchilar birinchiligida Gurlan tumani o'quv sport texnika klubi azosi Zumrad O'razmetova qizlar orasida, Urganch avtomobil sport texnika maktabi unitar korxonasi sportchisi Norbek Jumaniyozov o'g'illar orasida g'oliblikni qo'lga kiritdi.

SHuningdek, 2004-2006 yillarda tug'ilgan ishtirokchilar orasida shovotlik Zuhra Ro'zimova va Qo'shko'pir tumanining “O'rtayop” O'STK vakili Otabek Omonboev zafar quchdi. Umumjamoa hisobida Gurlan tumani duatlonchilari 2021 yilgi Xorazm viloyati kubogini qo'lga kiritishdi. SHovot tumani O'STK jamoasi ikkinchi o'rinni egallagan bo'lsa, “O'rtayop”lik duatlonchilari uchinchi o'ringa loyiq ko'rildi.