26 jan 17:01
Yangiliklar

Tennis

Dunyoning birinchi raketkasi 1/4 finalga chiqdi

Avstraliyaning Melburn shahrida "Katta Dubulg'a" turkumiga kiruvchi turnir davom etmoqda.

Sayyoramizning birinchi raqamli tennis malikasi Eshli Barti musobaqaning chorak finaliga yo'l oldi. Avstraliyalik tennischi turnirning nimchorak final uchrashuvida reytingning 19-pog'onasidan joy olib turgan amerikalik Elison Riske 6/3, 1/6, 6/4 hisobida mag'lub etdi.

Bir soatu 36 daqiqa davom etgan bahsda 23 yoshli Barti 4, 29 yashar Riske esa 2ta eys zarbasini amalga oshirgan. Eshli ilk bor Elisondan ustun keldi. Bundan avvalgi ikki uchrashuvda amerikalik tennischi zafar quchgan edi. Endi Barti Australian Open turnirining 1/4 finalida chexiyalik Petra Kvitovaga qarshi kortga chiqadi.