Dunyoning birinchi raketkasi BNP Paribas Open finalida!

Ikkinchi yarim final uchrashuvida dunyoning birinchi raketkasi Arina Sobolenko WTA reytingida 5-o'rinni egallab turgan amerikalik Medison Kizga bittagina geym yutib olish imkonini berdi - 6/0, 6/1.

Tennis malikalarining o'zaro uchrashuvlarida Arina oldinda bormoqda - 5:2. Bor yo'g'i 52 daqiqa davom etgan bahsda Sobolenko eys zarbasini amalga oshira olmadi. Kiz esa 2 ta eys zarbasini ijro etgan. Breyklar bo'yicha mutlaq ustunlik Arina tomonida bo'ldi - 5 ga 0! 

Etiborlisi, Arina Sobolenko Medison Kizning 16 ta g'alabali seriyasiga barham berdi. Belaruslik tennischi faoliyatida ikkinchi bor Indian-Uells turniri finalida o'ynaydi. 2023 yilgi finalda u qozog'istonlik Elena Ribakinaga imkoniyatni boy berib qo'ygandi. Bu safargi raqib rossiyalik 17 yoshli Mirra Andreeva bo'ladi.